Proçesi i votimit për kryetarin e ri të komunës në Drenas ka ndeshur në disa parregullsi. Një shqetësim i tillë u ngrit nga përfaqësuesja e koalicionit për Integritet Zgjedhor (KIZ), Albulena Nrecaj, e cila tha se janë evidentuar disa shelje në qendra të votimit deri në mesditë, ndërsa kanë dalë në zgjedhje rreth 12 për qind të votuesve.
Nrecaj tha se janë evidentuara probleme në asistenca familjare në kuti të votimit, fotografime të votave dhe të tjera raste të parregullta në proçes, të cilat janë në kundërshtim me rregullat e KQZ-së.
“Në vazhdimin e monitorimit të proçesit për komunën e Drenasit, sipas të dhënave nga monitoruesit e koalicionit deri në orën 12 është evidentuar se vetëm 12 për qind e votuesve janë dalë në votime. Gjithashtu sipas të dhënave të monitorimit të këtij koalicioni deri në orën 12 të kësaj dite janë evidentuar edhe parregullsitë tjera të cilat cilësohen në kundërshtim me rregullat e KQZ-së, siç janë votime familjare ku janë 38 raste, asistencë, mungesë e komisionerëve, asistencë e komisionerëve, mungesë e flet votimeve në alfabetin për të verbëritë. Gjithashtu ka pasur edhe njëra nxjerrje e fletëvotimi të votuesve nga Qendra përkatësisht nga vendvotimet”, tha Nrecaj.
Edhe Artan Demhasaj, nga i njëjti koalicion i vëzhguesve, tha se janë raportuar 38 raste të votimeve familjare, prej tyre tri raste janë në shkollën Rasim Kicina, pastaj në shkollën Halil Bajraktar ka pasur katër asistenca familjare, etj.
Ai ka shtuar se po mbyllet përkohësisht qendra e votimit 02 në Gradicë, pasi ka mungesë të komisionarëve deri në momentin kur ata do të zëvëndësohen.
Në Drenas me të drejtë votë janë 52 mijë votues, 28 Qendra dhe 72 vend votime./tesheshi.com/
