As kësaj here nuk finksionoi etika e urimit që kundërshtari i bën rivalit fitues në zgjedhje. Edhe pse gjatë fushatës elektorale, kandidatët Shehu e Rama promovuan një standart të lartë të etikës politike, në fund ka munguar urimi, ndërsa pala humbëse është lëshuar në akuza për blerje votash. Vetë Shehu nuk është prononcuar akoma, por kreu i PD-së, Basha mbrëmë e deputeti Bylykbashi sot, nuk janë përmbajtur. Ky i fundit, ka deklaruar paraditen e së hënës se një grup i strukturuar kriminal, arriti të blejë votat në Dibër.
Funksionarë të lartë të Bashkisë, kryekëshilltarja e Keshillit bashkiak, dhe vëllezërit e Muharrem Ramës janë kapur me zë e me figurë duke kryer krimin elektoral.
Këto janë rastet sporadike të një rrjeti të mirëorganizuar që kishte lëshuar tentakulat në cdo qendër votimi, pa përjashtim.
Duke nisur nga drejtuesit politikë të fushatës në bashkëpunim me figurat e njohura të krimit të organizuar drejtorë të administratës qendrore dhe lokale, shefa policie, administratorë, kryepleqtë, dhe zyrtarë publikë, ky grup i strukturuar kriminal ka ndarë milionat që duheshin, njerëzit që do të kryenin operacionin, duke llogaritur e paracaktuar blerjen e votave sipas cdo qendre votimi.
Sipas cdo qendre votimi.
Mbi bazën e parave të hedhura, ata e dinin se sa vota kishin marrë.
Kjo eshtë kjo arsyeja se pse ata nuk bënë fushatë, pse kandidati i tyre refuzoi cdo perballje me kandidatin tone dhe nuk ju dëgjua zëri gjatë fushatës. Eshtë kjo arsyeja pse nuk kishin një platforme, dhe refuzuan vazhdimisht debatin.
E bënë këtë, sepse kishin blerë dhe kapur votën.
Eshtë koha për një reflektim të thellë kombëtar dhe veprim të përbashkët në të gjitha drejtimet për lirinë e votës pa të cilën nuk mund të ketë asnjë liri tjetër.
Lufta totale me Kartelin e Drogës, krimit dhe korrupsionit sapo ka filluar”, thuhet ndër të tjera në deklaratën e Bylykbashit, ku siç shihet nuk ëshët kursyer as vetë fitiesu Rama. /tesheshi.com/
