Artan Fuga iu drejtua me një koment në rrjetet sociale Partisë Demokratike dhe kreut Lulzim Basha, duke i kërkuar të mbajnë një qëndrim mbi debatin e nisur mbi Akademinë e Shkencave. Por Fuga gjithashtu i kërkon opozitës të mbajë qëndrime edhe për çështje të tjera, pasi qytetarët nuk nuk e kuptojnë më se ku ndodhet dhe çfarë qëndrimi ka PD.
Ndaj kritikave të Fugës ka reaguar ish-deputeti Astrit Patozi, i cili duke përdorur ironinë i kërkon profesorit të gazetarisë dhe komunikimit që të mos i bjerë më qafë kot Lulzim Bashës, pasi kreu i PD-së nuk mund të flasë për zgjedhjet, kur një muaj më parë rifitoi zgjedhjet në edhe pse partia është përçarë prej tij.
“Janë në të gjitha nga pak, Artan, por mendoj se nuk ke përmendur më të rëndësishmen. Akademia e Shkencave do të bëjë zgjedhjet e reja dhe Lulzim Basha nuk flet dot për këtë temë.
Po të ishte kohë tjetër, mbase mund ta kishte thënë ndonjë llaf. Sepse nuk përmendet litari në shtëpinë e të varurit.
Vetëm një muaj më parë ai i pesëfishoi votat për kryetar të Partisë Demokratike, sepse i duhej fitore plebishitare brenda llojit, pasi e kishte çuar opozitën drejt katastrofës elektorale”, shkruan Patozi.
Sipas ish- deputetit, sado të paracaktuara dhe jodemokratike të jenë zgjedhjet në Akademinë e Shkencave ato nuk mund të krahasohen kurrë me votimet ne PD, në të cilat u mbushën masivisht kutitë dhe ku u pa qartazi që dikush mund të votonte edhe 4 herë rresht për të kurorëzuar kryetar Lulzim Bashën.
“Ndaj mos e kërko kurrë opozitën (Lulzimin dmth) aty ku nuk mund të jetë, ndërkohë që sado falso të jenë zgjedhjet në Akademinë e Shkencave, dëmi që ato shkaktojnë për vendin nuk mund të jetë asnjëherë më i madh, sesa farsa e shëmtuar zgjedhore e 22 korrikut”, shkruan Patozi. /tesheshi.com/
