Sekretari i përgjithshëm i Lëvizjes BESA, Afrim Gashi, thotë se partia e tij do të përpiqet deri në momentin e fundit të formohet një koalicion i fuqishëm parazgjedhor për zgjedhjet lokale.
Duke rikujtuar se angazhimi i BESA ishte në këtë drejtim edhe në zgjedhjet e fundit parlamentare, Gashi thekson se koalicioni duhet të bazohet në parime të caktuara, të cilat partia e tij i ka bërë të ditura.
Megjithatë, ai shton se është e vështirë të gjendet partner, por gjithçka do të bëhet e qartë pas mbledhjes së kryesisë qendrore, të cilën partia e tij do ta mbajë në ditët në vijim.
Sipas tij, BESA do të zhvillojë betejë në të gjitha komunat ku ka mbështetje të konsiderueshëm të votuesve.
Gashi shpreh bindjen se në raundin e dytë do të dalin fitues me një numër të madh komunash, ndërsa shton se BESA do të jetë partia me numrin më të madh të votave mes subjekteve shqiptare. /tesheshi.com/
