Mbi një mijë të burgosur do të votojnë në zgjedhjet e 22 tetorit. Këtë e ka konfirmuar drejtori për Trajtimin e të Burgosurve dhe të Miturve, Ali Gashi, i cili ka thënë se bazuar në kërkesën e kryeshefit të Komisionit Qendror të Zgjedhjeve, Enis Halimi, Shërbimi Korrektues i ka përpiluar regjistrat e të gjithë personave të privuar nga liria.
“Sipas listave të dërguara nga SHKK dhe të verifikuara nga Komisioni Qendror Zgjedhor persona me të drejtë vote për Zgjedhjet Lokale për Kryetar të Komunave dhe për Asamble Komunale janë: njëmijë e dyqind e pesëdhjetë e nëntë (1259). Me kohë në KQZ i kemi dërguar të dhënat: Emrin, mbiemrin, Datën e lindjes, nr. personal të letërnjoftimit, vendin e lindjes/komunën”, ka deklaruar Gashi për arbresh.info.
Sipas tij, të burgosurit do të votojnë në Qendrat Korrektuese dhe në Qendrat e Paraburgimit, duke shtuar se vend votimet do të jenë të hapura prej orës shtatë.
Gashi tregoi se të gjithë të burgosurit do të votojnë një nga një në vendet e veçanta për zgjedhje në prezencë të ekipeve mobile/lëvizëse të formuara nga KQZ-ja. /tesheshi.com/
