Kryetarja i KQZ-së Valdete Daka, përsëriti se vetëm me “dokumentet e identifikimit të Kosovës” mund të votohet të dielën e 6 tetorit dhe paralajmëroi se të gjithë anëtarët e komisioneve që nuk respektojnë udhëzimet për përdorimin e dokumenteve të identifikimit do përballen me pasoja juridike.
Ajo iu përgjigj një deklarate të Drejtorit të Zyrës për Kosovën në qeverinë serbe, Marko Gjuriç, i cili fajësoi zyrtarët e Kosovës për diskriminim kundër serbëve ne lidhje me dokumentin që duhet patur atë ditë në qendrat e votimit.
Daka theksoi se udhëzimet e miratuara nga Komisioni Qendror i Zgjedhjeve janë detyruese për të gjithë
Edhe Lista Serbe u ankua më herët për vendimin e Komisionit Qendror të Zgjedhjeve që vetëm qytetarët me dokumente të Kosovës mund të votojnë në zgjedhjet e ardhshme parlamentare të ardhshme, por ankesa u refuzua.
Gjuriç u bëri thirrje të gjithë qytetarëve serbë në listën zgjedhore, që të ushtrojnë të drejtën e tyre të votës në vend, pavarësisht se çfarë dokumentesh kanë. /tesheshi.com/
