Lideri i radikalëve të majtë të Syriza-s në Greqi, Aleksis Cipras hodhi poshtë mundësinë e një koalicioni qeverisës me partinë kryesore rivale nëse fiton shumicën në zgjedhjet e së dielës. Gjatë një debate në television me liderin e qendrës së djathtë, Vangelis Meimarakis, Cipras tha se një qeveri e tillë uniteti nuk do të ishte “natyrale”.
Sondazhet sugjerojnë se asnjë palë nuk ka shanse të fitojë një shumicë të fortë parlamentare. Zgjedhjet e parakohshme u thirrën nga Cipras pasi ai nënshkroi në Bruksel për paketën e tretë të shpëtimit të Greqisë, muajin e shkuar, por që u shoqërua me protesta dhe rebelim brenda partisë së tij.
Gjatë debatit në televizionin public, ERT, Meimarakis tha se grekët dëshirojnë stabilitetin që vetëm një koalicion I madh mund ta sjellë.
“Ne mund të kemi një ekip kombëtar jo vetëm në qeverisjen e vendit, por edhe në përfaqësinë negociuese tonën”, tha ai. Megjithatë, për Cipras mes partive ka ndryshime thelbësore që nuk e mundësojnë një qeveri uniteti. /tesheshi.com/
