Zgjedhjet e qershorit në Shqipëri, hapet thesi i parave për partitë politike

Shteti ka hapur thesin për partitë politike që pritet të garojnë në zgjedhjet e 18 qershorit, duke iu akorduar atyre plot 290 milion lekë.

Sipas ligjit “Për partitë politike”, 70% e ketij fondi, e parashikuar si mbështetje financiare për partitë, shpërndahet sipas numrit të deputetëve të fituar në zgjedhjet e fundit parlamentare. Çdo parti parlamentare përfiton ndihmë financiare në përputhje me numrin e deputetëve që ka fituar; 20 % e fondit ndahet në mënyrë të barabartë, ndërmjet partive parlamentare, ndërsa 10 %, sipas përqindjes së fituar ndërmjet partive politike që kanë marrë pjesë në zgjedhjet e fundit parlamentare dhe kanë fituar mbi 1 % të votave në shkallë vendi.

Dhe ja sa u përket sipas përllogaritjeve, ku në vend të parë është PS

1.Partia Socialiste e Shqipërisë  112.453.783 lekë

2.Partia Demokratike  87.274.533 lekë

3.Levizja Socialiste për Integrim  31.405.453 lekë

4.Partia Drejtësi, Integrim dhe Unitet  11.474.913 lekë

5.Partia Republikane Shqiptare   10.122.643 lekë

6.Partia Bashkimi për të Drejtat e Njeriut  6.304.503 lekë

7.Partia Kristian Demokrate e Shqipërisë  6.304.503 lekë

8.Fryma e Re Demokratike  5.326.333 lekë

9.Partia Demokracia Sociale  4.833.333 lekë

10.Partia Socialdemokrate  4.833.333 lekë

11.Partia Demokristiane e Shqipërisë  4.833.333 lekë

12.Aleanca Kuq e Zi   4.833.333 lekë

 Por paçka këtyre shumave, partitë shqiptare, sidomos ato kryesore mbështeten gjatë fushatave nga donacione të ardhura sidmos nga biznesi. Megjthatë, jo të gjitha financimet bëhen transparente. Madje së fundi, opozita akuzon pushtetin se po tenton t’i marrë zgjedhjet dhe me para droge, siç ngriti pretendimin për ato në Dibër zhvilluar pak muaj më parë. /tesheshi.com/