Ambasadori i Mbretërisë së Bashkuar në Kosovë, Ruair O’Connell tha se zgjedhjet për kryetarët e komunave në veri të Kosovës nuk duhet të jenë frikësimi i kandidatëve apo zgjedhësve sepse kështu nuk do të ishin zgjedhje të drejta e të lira.
Ai iu referua presioneve të mundshme serbe për kandidatë potenciale, pasi kryetarët e mëparshmën dogjën mandatet e tyre si reagim ndaj vendosjes së taksës për mallrat serbe.
“Nuk duhet të ketë frikësimi i kandidatëve dhe votuesve, sepse kështu nuk do të ketë zgjedhje të drejta dhe të lira”, tha O’Connell për RTK2, duke shtuar se komuniteti ndërkombëtar do ketë vëmendje të veçantë për këtë në lidhje me “disa probleme gjatë proceseve të mëparshme”.
Duke komentuar mbi caktimin e zgjedhjeve të parakohshme lokale në veri të Kosovës, ambasadori britanik tha se ai pret që të dy palët të përmbahen nga deklarata që mund të rrisin tensionet.
“Njerëzit duan përfaqësues legjitimë që do punojnë për të drejtat e tyre e jo t’u binden urdhërave nga lart. Bojkoti nuk na lejon për të shkuar përpara”, tha ambasadori britanik. /tesheshi.com/
