Zgjedhjet e brendshme për kryetarin e ri të partisë Demokratike janë mbyllur në të gjithë vendin, ku u thirrën për të votuar rretj 104 mijë anëtarë të kësaj force politike. Deri në mbyllje të procesit në Tiranë, votuan 16 142 anëtarë nga më shumë se 30 mijë të regjistruar në lista.
Të dhënat jepen nga komisioni i votimit, ndërsa tashmë pritet që me mbylljen e kutive ato të transportohen drejt Tiranës ku do të nisë numërimi për të përcaktuar fituesin mes dy kandidatëve në garë, kryetarit të vetëngrirë, Lulzim Basha dhe Eduart Selamit.
Votimi ka shkuar pa ndonjë parregullsi të dukshme, edhe pse kandidati Selami akuzoi Bashën për manipulim, pasi në disa qendra votimi, kanë qenë të varur portretet e tij pasi procesi është zhvilluar në mënyrë të parregullt në selinë e degëve përkatëse.
Zgjedhjet për kryetarin e PD, ashtu siç paralajmëruan një ditë më parë, u bojkotuan nga kritikët e Bashës. /tesheshi.com/
