Ambasadorja gjermane në Tiranë nuk ndan të njëjtin opinion me kreun demokrat, se zgjedhjet e 25 qershorit ishin të blera. Sussane Schutz, nga Korça tha se proçesi zgjedhor u zhvillua normalisht, ishte i lirë dhe i ndershëm.
“Për ne ka qenë një kënaqësi që procesi u zhvillua normalisht dhe që morën pjesë 18 parti. Pjesëmarrja nuk ka qenë e ulët, pra ka qenë relativisht e mirë.OSBE/ODHIR ka konstatuar se është bërë për një fushatë elektorale pozitive, që procesi ka qenë i lirë edhe i ndershëm, analiza deri tani ka qenë pozitive, do të ketë sigurisht një raport më të detajuar së afërmi, por ne jemi të kënaqur që rezultati i zgjedhjeve ishte i mirë definuar”, tha përfaqsuesja e Berlinit në Tiranë.
Më herët, në një takim me kreun e OSBE-ODIHR-it, kreu demokrat Basha i nxiu ato në vlerësime, duke bërë që edhe 25 qershori të futet në listën e gjatë të kontestimeve, pavarësisht faktit se opozita pati “gardianët” e saj në qeveri, për t’i ruajtur ato nga “kthetrat” e pushtetit. /tesheshi.com/
