Partia anti-rrymë në Britaninë e Madhe, UKIP ka përfshirë ndalimin e veshjes së plotë muslimane, burka në programin e saj elektoral, ndërsa përgatitet për fushatën e zgjedhjeve të parakoshme. Lajmin e bëri të ditur lideri i kësaj partie, Paul Nuttall sipas të cilit veshja e nixhabit në publik është pengesë për integrimin dhe rrezik për sigurinë. Ai tha gjithashtu se UKIP do të konsiderojë edhe tërheqjen në zonat ku përballë kandidojnë deputetë që mbështesin Brexit.
“Ajo që nuk do të doja të shihja është që fushatuesit e Brexit të humbasin vendet e tyre në parlament dhe në vend të tyre të zgjidhet një fushatues i qëndrimit në BE”, tha ai. /tesheshi.com/
