Laburistët në Britani pritet të kthehen në rrënjët e socializmit, me zgjedhjen e kreut të ri të kësaj partie, proces që ka nisur dhe pritet të dalë me rezultate në ditët e para të shtatorit.
Zgjedhjet e brendshme pritet të fitohen, sipas sondazheve, nga Jeremy Corbyn, një fans veteran i Karl Marksit që nxori jashtë loje rivalë në garë duke premtuar një kthesë radikale drejt rrënjëve socialiste të partisë Laburiste.
Fituesi i garës së brendshme do të drejtojë laburistët në referendumin e pritshëm për anëatarësinë e Britanisë në BE dhe me gjasa mbetet sfidanti më i fortë I konservtorëve të kryeministrit David Cameron në zgjedhje e përgjithshme të vitit 2020.
Pas humbjes më të madhe elektorale të laburistëve në maj, prej vitit 1987, katër rivalë kanë qenë në një betejë për kreun e partisë.
Nga njëra anë, janë ata që thonë se shkurtimet e shpenzimeve të qeverisë konservatore tregojnë se laburistët duhet të lëvizin më afër parimeve themeltare, rrënjëve të tyre socialiste dhe pranë sindikatave të punonjësve, ashtu si ishte në fillim të shekullit të 20.
Nga ana tjetër, janë ata që këmbëngulin se partia mund të shpresojë të fitojë në 202-ën vetëm nëse rimerr pozicionin e qendrës në të cilin njohu fitoret më të mëdha elektorale.
Fituesi do të bëhet i ditur më 12 shtator pasi të numërohen më shumë se 600 mijë vota, që përbëjnë anëatrët e partisë, anëtarët e sindikatave pranë saj dhe mbështetës të tjerë të regjistruar.
Në krye të pritshmërisë për të fituar është 66 vjecari Corbyn, i cili ka bërë thirrje për rishtetëzime dhe më shumë shpenzime qeveritare e me këto ide ka frymëzuar anëtarësinë dhe sindikatat, gjë që solli rritjen e tij nga një personazh periferik në favoritin e basteve. /tesheshi.com/
