Rama ka zgjedhur shprehjen e keqardhjes për humbjen e Hillari Klintonit, për të qenë koherent me deklarimet e tij të paradokohshme kundër Donald Trampit president. Dhe kjo ka qenë pjesa e parë e mesazhit të tij të përcjellë në këtë orë të drekës ndaj zgjedhjes së manjatit në krye të Shtëpisë së Bardhë
“Populli amerikan bëri sot zgjedhjen e tij. Një mike e madhe e Shqipërisë, Kosovës dhe gjithë shqiptarëve, Hillary Clinton nuk i’a doli dot të behet Presidentja e parë grua në historinë e Shteteve të Bashkuara. Kundërshtari i saj, Donald Trump, u zgjodh Presidenti i dyzetepestë i SHBA, duke e bindur Sovranin të votojë alternativën e tij pas një debati të pazakonshëm brenda e jashtë Shteteve të Bashkuara të Amerikës”, shkruan Rama.
Më pas, urimi kortezial ka ardhur në pjesën e dytë, shoqëruar nga një fjalor diplomatik:
“Duke i uruar Presidentit Trump fitoren dhe të gjithë suksesin që amerikanët dhe miqtë e partnerët e SHBA i urojnë atij vendi të madh, kam bindjen se marrëdhënia jonë strategjike me Shtetet e Bashkuara do të vijojë të forcohet në funksion të vlerave e të interesave të përbashkëta, të cilat e bëjnë Shqipërinë një mik e aleat të çmuar të popullit e të Qeverisë amerikane”, përfundon Rama duke zgjedhur dhe ai rrjetet sociale për mesazhin në fjalë. /tesheshi.com/
