Sa vijnë dhe shtohen urimet për zgjedhjen e Donald Trump për President të Shteteve të Bashkuara të Amerikës. Ndër të tjera, edhe Lëvizja Besa si një forcë e re në politikbërjen maqedonase, i shpreh urimet ambasadorit të SHBA-ve në Maqedoni, Jess Baily për përzgjedhjen që populli amerikan e bëri në garat presidenciale.
“Më lejoni që në emrin tim dhe të anëtarësisë së BESËS t’ju uroj për zgjedhjen e presidentit të ri të Shteteve të Bashkuara të Amerikës, z. Donald Trump. Duke dëshmuar vlera të njëmendta demokratike, sot populli amerikan edhe një herë na bindi për peshën që e ka vullneti demokratik i sovranit në SHBA. Ne ju urojmë për presidentin e ri, ndërsa jemi të bindur se përkushtimi i SHBA-ve për të ndihmuar në zhvillimin dhe mbarëvajtjen e demokracisë në vendin tonë do të vazhdojë edhe më tej”, kështu ka ka shkruar kreu i Lëvizjes BESA, Bilall Kasami, duke përfunduar urimin e tij më këto fjalë “Zoti e bekoftë Amerikën!”. /tesheshi.com/
