Gjykata Speciale në Prishtinë ka zgjatur paraburgimin edhe për dy muaj të tjerë ndaj Marko Rosiç nga Mitrovica e Veriut, i cili dyshohet për përfshirje në vrasjen e ish-liderit të serbëve të Veriut Oliver Ivanoviç. Kjo u konfirmua nga avokat i tij shqiptar Mahmut Halimi.
Ai tha se do të apelonte vendimin, por që, siç ka mësuar nga përvojat e mëparshme, nuk e priste një ndryshim në të.
“Unë pres që të marr një vendim nga gjykata brenda ditës me postë, sa të paraqes një ankesë, por nuk jam optimist. Eshtë e çuditshme që gjykata nuk e ka parë të përshtatshme për t’iu përgjigjur kundërshtimeve që kemi paraqitur në fund të janarit”, tha Halimi.
Ai gjithashtu shprehu shqetësimin për klientin e tij duke thënë se koronavirusi kishte hyrë me infektime deri në Qendrën e Paraburgimit në Mitrovicën e Veriut, pra aty ku mbahet Rosiç.
Halimi theksoi se vizitat në burg nuk janë të mundshme që nga fillimi i koronavirusit, kështu që forma e vetme e komunikimit që familja dhe avokatët kanë me të arrestuarin është vetëm telefon, raporton Blic. /tesheshi.com/
