Dy ditë pas skenave të tmerrshme të vitit 2019, ku Katedralja Notre Dame u përfshi nga flakët dhe tronditja fillestare e shkaktuar nga ky lajm, në internet u shfaq informacioni për një sërë tragjedish të ndodhura më 15 prill, duke e shenjuar këtë datë me vulën bestyde të një mbrapshtie në fat.
Në të njëjtën ditë, por në vitin 2013, pati një sulm me bombë në Maratonën e Bostonit.
Nga shpërthimi i tmerrshëm humbën jetën tre persona, njëri prej të cilëve 8-vjeçar dhe 264 të plagosur, disa prej të cilëve mbetën pa krahë dhe këmbë.
Më tej, shumë kujtojnë vitin 1989 dhe tragjedinë në stadiumin Hillsborough në Britaninë e Madhe, një nga më të mëdhatë sportive në histori. Në një stërmbushje për të ndjekur gjysmëfinalen e FA Cup mes Liverpoolit dhe Nottingham Forest, ndodhi hataja.
Për shkak të një gabimi të organizatorëve, më shumë se 54,000 tifozë u lejuan në tribuna, të cilat mund të mbanin vetëm 39,000 spektatorë. Pasi dikush hapi gardhin mbrojtës, shpërtheu një rrëmujë në të cilën 96 tifozë të Liverpool u vranë dhe më shumë se 700 njerëz u plagosën.
E 15-ta e prillit mori një tjetër atribut të një date rrëqethëse, sepse pikërisht në atë ditë të vitit 1912 ndodhi një fatkeqësi e madhe detare në Atlantikun e Veriut, kur anija britanike e pasagjerëve Titanic u mbyt pasi goditi një ajsberg.
Në aksidentin katastrofik humbën jetën 1517 persona.
Gjithashtu, më 15 prill 1865, presidenti amerikan Abraham Linkoln u vra. Ai u qëllua nga jugori fanatik John Wilkes Booth.
Më në fund, më 15 prill 1989, rreth 10,000 njerëz u vranë atë ditë në Sheshin Tiananmen në Pekin, gjatë një proteste antiregjim të udhëhequr nga studentët kinezë. /tesheshi.com/
