Senati amerikan ka miratuar së fundi kandidaturën e diplomatit të karrierës David Kostelancik për postin e ambasadorit të ri amerikan në Shqipëri.
Kostelancik u propozua nga Presidenti Joe Biden për të zëvendësuar ambasadoren aktuale, Yuri Kim.
Kostelancik ka një karrierë të gjatë në diplomaci. Madje ka punuar vite më parë në ambasadën amerikane në Tiranë. Pra, nuk e ka të panjohur Shqipërinë.
Më herët, duke shpallur prioritet e tij për postin e ri, Kostelancik deklaroi se lufta kundër korrupsionit në vendet e rajonit të Ballkanit Perëndimor është përparësi e SHBA-së.
Ka qenë edhe Drejtori i Zyrës për Çështjet e Evropës Jugore Qendrore dhe Drejtori i Zyrës për Çështjet Ruse, në Byronë e Çështjeve Evropiane dhe Euroaziatike, si dhe Drejtor i Zyrës së Evropës dhe Azisë në Byronë Ndërkombëtare të Narkotikëve dhe Ligjit.
Aktualisht mban detyrën e këshilltarit të stafit ushtarak në Pentagon. Nga jetëshkrimi i tij mësohet se ai flet shqip, rusisht, hungarisht dhe turqisht. /tesheshi.com/
