Philippe Douste-Blazy, ish-ministër i Jashtëm i Francës që tashmë shërben si zëvendëssekretar i Përgjithshëm i OKB-së deklaron se për të gjetur zgjidhje për krizën e refugjatëve në Europë, ndërhyrja duhet të bëhet në Afrikë. Ai sugjeron një plan Marshall për Afrikën, duke iu referuar planit amerikan pas luftës së Dytë Botërore kur Shtetet e Bashkuara dhanë miliarda dollarë për Europën e shkatërruar nga lufta.
Ai në një intervistë për BBC-në shprehet se ka qenë dëshmitar okular i krizës së emigrantëve në Mesdhe, pasi shoqëroi një anije shpëtimi në misionet e saj, e ku pa sesi disa njerëz u nxorën nga uji, por shumë të tjerë vdiqën përpara syve të tij.
Zyrtari i lartë i OKB-së e përshkroi situatën si një “barbari njerëzore”. /tesheshi.com/
