Si çdo 58 qershor, edhe këtë vit nuk mund të mos mungonin deklarimet provokative serbe me rastin e Vidovdanit, ndryshe Betejës së Fushë- Kosovës, ku serbët kanë ngritur mitin e tyre tragjik për t’i dhënë më pas edhe legjitimitet shkencor të drejtës së tyre për ta quajtur Kosovën “djep të Serbisë”.
Kësaj radhe ishte numri dy i qeverisë së Kosovës prej Listës Serbe, Branimir Stojanoviq, që lëshoi mesazhe plot me helm nacinalist.
“…kujtojmë një ditë të madhe në historinë e Serbisë, kur çdo gjë ndryshoi, dita që është bërë pjesë e kodit gjenetik të serbëve dhe pjesë e identitetit. “Më e shumta që sot mund të bëjmë në këtë vend është të qëndrojmë këtu, që të luftojmë edhe më tutje për mbijetesën tonë dhe të mos heqim dorë nga ekzistenca jonë, të kujtojmë ata që kanë sakrifikuar shumë më shumë se ne, dhe të mos lejojmë që ky vend i shenjtë të mbetet pa emra dhe mbiemra serbë”, ka thënë Stojanoviq gjatë ceremonisë në përmendoren e Gazimestanit, në periferi të Prishtinës. /tesheshi.com/
