Policia e Zelandës së Re e ka akuzuar për terrorizëm vrasësin e 51 njerëzve dhe plagosjen e dhjetëra të tjerëve në dy xhami të Christchurch të Zelandës së Re.
Në një deklaratë të lëshuar të martën, policia tha se akuza për përfshirjen në një akt terrorist vjen sipas nenit 6A të Aktit të Shtypjes së Terrorizmit 2002, kundër 28-vjeçarit Brenton Tarrant.
Një akuzë shtesë erdhi pasi një shtetasi turk u bë viktima e fundit këtë muaj, duke e çuar numrin e përgjithshëm të akuzave për vrasje kundër tij në 51 dhe 40 vrasje në tentativë.
I vetëdeklaruar si supremacist i bardhë, Tarrant akuzohet për hapjen zjarr në xhamitë al-Noor dhe Linwood më 15 mars, duke shkaktuar vrasjen më të madhe në historinë e kohëve moderne të Zelandës së Re.
Në muajin prill, Tarrant u paraqit në Gjykatën e Lartë të Christchurch nëpërmjet video-lidhjes nga burgu i sigurisë së lartë në Auckland. Ai ka për t’u paraqitur në gjykatë më 14 qershor, dhe pritet t’i nënshtrohet vlerësimit psikiatrik për të përcaktuar nëse ai është i aftë për t’u gjykuar. /tesheshi.com/
