Ndërsa tesheshi.com e dha lajmin i pari në lidhje me arsyet e vizitës së John Kerry-t, duke renditur çështjen e muxhahidinëve iranianë, disa media nxituan të publikonin deklaratën e kryeministrit Edi Rama që nuk është diskutuar për këtë çështje.
Por në fakt, që është diskutuar e pohoi edhe ministri Jashtëm, Bushati dhe ministrja e Mbrojtjes, Kodheli.
Dhe ajo që është më e rëndësishmja, është vetë Zëri i Amerikës, që në edicionin e tij thelbësor në gjuhën angleze që e ka bërë publike diskutimin për pranimin e iranianëve.
“Sekretari Amerikan i Shtetit, John Kerry ka qenë në Shqipëri për të falenderuar qeverinë shqiptare për strehimin e anëtarëve të grupit opozitar iranian të njohur ndryshe si muxhahedinë”, shkruan VOA duke cituar një zyrtar të lartë të DASH.
Zëri i Amerikës në versionin anglisht duke cituar zyrtarin e DASH shkruan: “Shqipëria, gjatë dy viteve të fundit ka marrë rreth një mijë muxhahedinë dhe është e angazhuar për të marrë edhe dy mijë të tjerë”
“Zyrtari i DASH tha se Kerry para se të niste vizitën në Tiranë ra dakord që të mos fliste publikisht për zhvendosjen e muxhahedinëve, pasi mbetet një çështje e ndjeshme”, shkruan VOA.
Më tej, shkrimi në VOA vazhdon me ndihmën që SHBA i kanë dhënë Shqipërisë si nga ana teknike ashtu edhe nga ana monetare, nëpërmjet Kombeve të Bashkuara. Bëhet fjalë për një fond prej 20 milionë dollarë dollarë.
SHBA i ka dhënë Shqipërisë siguri dhe ndihmë për zhvillim ekonomik, për të ndihmuar vendin të ndërtojë kapacitetin e saj fizike për të strehuar refugjatët. /tesheshi.com/
