Autoritetet të Ankarasë, si dhe përfaqësues të turqve në Maqedoni, janë irrituar e kanë reaguar ashpër ndaj faktit se qevveria Zaev ka dhënë një fond mbështetës për revistën Zaman në Shkup, i njohur si organ mediatik i gylenistëve.
Është fjala për 14.670 euro që do kalojnë në arkën e kësaj reviste, në kuadër të një programi mbështetës për disa media në vend.
Më tej, ishin disa përfaqsues politikë të komunitetit turk në Maqedoni, të cilët reaguan.
Enes Ibrahim nga Partia së Lëvizjes Turke –THP, tha se “që nga sot, ne do të bëjmë përpjekjet e nevojshme që marrëveshja të anulohet, pra, që marrëveshja me gazetën e FETO-s të mos realizohet”.
Beycan Ilyas i Partisë Demokratike Turke të Maqedonisë – TDP, tha se “është e papranueshme që gazeta Zaman, organ mediatik i organizatës FETO, të mbështetet në njëfarë mënyre me taksat e Maqedonisë, me taksat tona”.
“Edhe pse jemi në qeveri, përkundër të gjithave, ne nuk mund të pranojmë çdo gjë”, tha Ilyas.
Erdogan Saraç nga Lëvizja e Unitetit Kombëtar Turk – TMBH), tha se “sinqerisht dhe qartazi, kjo është dyfytyrësi e qeverisë së Maqedonisë”.
Ishin këto pra disa reagime ndaj vendimit, siç raporton AA.
Nga ana tjetër, ministri pa portofol Elvin Hasan, është përpjekur ta largojë përgjegjësinë direkte të qeverisë, duke thënë se propozimet kanë ardhur nga Asociacioni për Mbrojtjen e Mediave të Shtypura. /tesheshi.com/
