Platforma amerikane e transmetimit Netflix tashmë ka krijuar një furtunë në rrjetet sociale me serialin e saj të paralajmëruar të dokumentarëve “Cleopatra” dhe tashmë në Egjipt po përgatitet një proces gjyqësor kundër kësaj kompanie.
Përkatësisht, avokati Mahmoud al-Semary nga Egjipti vendosi të ngrejë padi kundër Netflix për paraqitjen e mbretëreshës Kleopatra në serialin me të njëjtin emër si një grua me ngjyrë.
Sipas tij, bëhet fjalë për mohimin e identitetit egjiptian dhe për këtë të gjithë të përfshirët duhet të mbajnë përgjegjësi para ligjit. Ai gjithashtu shtoi se dëshiron një ndalim të plotë të Netflix në Egjipt.
Nga ana tjetër, aktorja kryesore Adele James, e cila do të luajë rolin e Kleopatrës, tha: “Nëse nuk ju pëlqen kastigu, nuk keni pse ta shikoni shfaqjen”.
Kujtojmë që Netflix tashmë ka marrë shumë kritika në rrjetet sociale, kryesisht nga grekët, për shkak të zgjedhjes së një aktoreje me ngjyrë për mbretëreshën egjiptiane.
Kleopatra, sipas shumicës së historianëve, erdhi nga rajoni i Maqedonisë së sotme, i cili ndodhet në Greqi.
Pikërisht për këtë, një numër i madh i njerëzve nga ky vend kritikuan ashpër Netflix-in dhe gjithçka kulmoi kur kjo platformë streaming çaktivizoi komentet në trailerin e serialit, shkruan BBC. /tesheshi.com/
