Më shumë se një mijë vetë dolën të shtunën pasdite në Romë për të protestuar ndaj politikës shumë kufizuese të pranimit të emigrantëve nga qeveria e re. Shkak konkret ishte një dekret i saponxjerrë nga “armiku” kryesor i emigrantëve; zv/kryeministri Salvini.
Edhe aty u shfaqën “jelekverdhë”, ndonëse me tjetër objektiv proteste, ndryshe nga Franca, Belgjika apo Hollanda. “Çohuni, çohuni, ngrihuni për të drejtat tuaja”, e cila është frazë prej këngëve të famshme të Bob Marley, ishte thirrja kryesore në protestë .
“Sot, Salvini hoqi një dekret mbi mbrojtjen humanitare dhe ka krijuar një grup të pafund njerëzve të detyruar për t’u fshehur”, u tha në një deklaratë të një shoqate për mbrojtjen e të drejtave të njeriut.
Ministri i Brendshëm italian Matteo Salvini lëshoi një dekret ku si masë kryesore e të cilit që heqja e lejeve për qëndrim humanitar individët në nevojë, familje apo gra me fëmijë, dhe viktimat e krimit në rrugën për në Itali.
Një nga protestuesit tha se masat e reja vetëm do të “rritnin numrin e njerëzve pa dokumente dhe do të çonin në fshehje”.
Që nga viti 2008, më shumë se 120,000 njerëz kanë pasur të drejtë për një qëndrim humanitar që zgjat dy vjet dhe mund të rinovohet. /tesheshi.com/
