Kirurgët gjermanë të zemrës besojnë se do të jenë në gjendje të transplantojnë një zemër të modifikuar derri në një njeri brenda maksimumit dy vjetësh dhe presin që rezultati të jetë më i mirë se ai i arritur pas transplantit të parë të tillë në botë, i cili u krye nga mjekët amerikanë.
“Jemi në fazën përfundimtare”, tha kardiologu Bruno Reichart, anëtar i grupit kërkimor në Spitalin Universitar Grosshadern në Mynih.
Derrat më të vegjël të Auckland nga Zelanda e Re që janë modifikuar gjenetikisht do të përdoren për transplantim, tha Reichart. Kafshët duhet të peshojnë midis 70 dhe 90 kilogramë, sepse përndryshe zemra e tyre do të ishte shumë e madhe për njerëzit.
Pas procesit të modifikimit të zemrës, fillimisht do të testohet te babunë, thotë 80-vjeçari Reichart, i cili e bën këtë punë prej dekadash. Majmunët me zemër derri duhet të mbijetojnë për një vit përpara se të fillojnë provat njerëzore.
Transplantimi i organeve nga një specie në tjetrën, një proces i quajtur xenotransplantim, bëri një hap gjigant përpara vitin e kaluar kur kirurgët në Mayrland transplantuan për herë të parë zemrën e një derri tek një njeri.
“Që pacienti mbijetoi dy muaj, duke marrë parasysh të gjitha sëmundjet e tij shoqëruese, është një rezultat i mirë”, thotë Reichart.
Në janar të vitit të kaluar, një ekip nga Universiteti Mjekësor i Maryland-it transplantoi një zemër derri me dhjetë modifikime në një njeri të sëmurë përfundimisht.
Pas dekadash kërkimesh për ksenotransplantimin, ekspertët janë të bindur se zemrat e derrit mund të jenë një opsion i mundshëm për pacientët që kanë nevojë për një zemër të re.
Reichart, kardiokirurgët Christian Hagl dhe Paolo Brenner dhe veterineri Eckhard Wolf janë ndër ekspertët kryesorë në botë në kërkimin e ksenotranplantacionit. /tesheshi.com/
