Presidenti çek Milosh Zeman tha se do të rishikoj pozitën e vendit të tij karshi Kosovës brenda një muaji.
Ai tha se “nuk është diktator dhe nuk mund ta imponoj qëndrimin”, por tha se do të bëjë çfarë i takon që të konsultohet me autoritetet e vendit për të tërhequr njohjen.
“Pajtohem me ministrin e mbrojtjes, Lubomir Metnar, i cili ka thënë se njohja e Kosovës ishte gabim. Me gjasë ai do të jetë në anën time kur të marr masa”, tha Zeman në një konferencë të përbashkët me homologun e tij serb Aleksandar Vucic në Beograd.
Më herët, ai i ka bërë thirrje Tribunalit të Hagës që të nisë një hetim mbi krimet e luftës në Kosovë, gjë që bëri që Tribunali të thërras në cilësinë e dëshmitarit kryeministrin e Kosovës Ramush Haradinaj, veprim ky që çoi në dorëheqje.
Vuçiç nuk u kursye nga falënderimet ndaj Zeman për pikëpamjet e tij ndaj Kosovës, por tha se e nuk priste që do të niste një iniciativë të këtillë. /tesheshi.com/
