Të enjten, presidenti ukrainas Volodymyr Zelensky u bëri thirrje njerëzve në mbarë botën të dalin në rrugë dhe të tregojnë mbështetjen e tyre për Ukrainën.
Këtë ftesë ai e bëri në fjalimin e tij me video mbrëmë, për herë të parë në anglisht, në prag të samitit të sotëm të NATO-s.
“Agresioni rus nuk është vetëm kundër Ukrainës, por edhe kundër lirisë së njerëzve kudo, ndaj bota duhet të ndalojë përdorimin brutal të forcës nga Rusia”, tha ai.
“Ejani nga zyrat tuaja, shtëpitë tuaja, shkollat dhe universitetet tuaja, ejani në emër të paqes, ejani me simbolet ukrainase për të mbështetur Ukrainën, për të mbështetur lirinë, për të mbështetur jetën”, tha presidenti ukrainas.
Fjalimi i Zelensky-it erdhi disa orë përpara samitit të NATO-s në Bruksel, në të cilin vendet perëndimore pritet të bien dakord për përforcimet e trupave në Evropën Qendrore dhe Lindore për të forcuar mbrojtjen e bllokut.
Presidenti amerikan Joe Biden do të marrë pjesë në samitin në Bruksel, i cili po mbahet saktësisht një muaj nga fillimi i pushtimit rus në Ukrainë. /tesheshi.com/
