Zelensky, pilotëve rusë: Do ta paguani!

Presidenti ukrainas Volodymyr Zelensky tha së fundi se pilotët e Forcave Ajrore ruse që operojnë në vendin e tij do të sillen para drejtësisë.

“Do ta paguani, në një mënyrë apo tjetër”, tha ai. “Sot apo nesër, nuk ka shumë rëndësi. E rëndësishme është që është e pashmangshme”.

Ai iu referua pilotit të një avioni luftarak rus të rrëzuar nga forcat ukrainase në Mariupol. “Kjo do t’i ndodhë kujtdo që vret njerëzit tanë, njerëzit tanë paqësorë në vendin tonë paqësor,” tha ai.

“Pilotët rusë nuk duket se e kuptojnë rëndësinë e urdhrave që ata kryejnë”, tha ai. “Vrasja e civilëve është një krim,” këmbënguli Zenesky, që për ironi është me origjinë hebreje, shteti amë i të cilit akuzohet për krime të tilla ndaj palestinezëve.

Qeveria ukrainase pretendon se forcat e saj kanë rrëzuar rreth 100 mjete ajrore rusë që nga fillimi i agresionit, të cilin Kremlini e quan një “operacion special ushtarak”, pothuajse katër javë më parë. Megjithatë, ky pretendim është i pamundur të verifikohet në mënyrë të pavarur. /tesheshi.com/