Në një seancë të jashtëzakonshme të Parlamentit Evropian për Ukrainën, presidenti i këtij vendi Volodymyr Zelensky, foli përmes lidhjes video, duke thënë se ukrainasit po paguajnë “çmimin përfundimtar” për mbrojtjen e lirisë.
“Nuk mund të them mirëmëngjes, ditë të mirë apo mirëmbrëma. Sepse çdo ditë për disa njerëz kjo ditë nuk është e mirë. Për disa kjo ditë është e fundit”, tha presidenti ukrainas.
Në një fjalim emocionues, ai tha se sheshi më i madh në Evropë në Kharkiv, i quajtur Sheshi i Lirisë, u godit nga dy raketa ruse dhe se disa njerëz u vranë.
“Çdo shesh kryesor në vendin tonë do të quhet Sheshi i Lirisë. Nuk do të na thyejnë,” tha Zelensky.
“Të vërtetoni se jeni me ne, se nuk do të na lini të mundemi, provoni se jeni evropianë. Dhe atëherë jeta do të mundë vdekjen dhe drita do të pushtojë errësirën. Lavdi Ukrainës!“, tha Zelensky në fjalimin e tij.
Ai i tha Parlamentit Evropian se vendi i tij “po jepte njerëzit e tij më të mirë” nga dëshira për t’u trajtuar si i barabartë dhe me çmimin e lirisë.
“Ne japim njerëzit tanë më të mirë. Më të fortët tanë. Ata që bazohen më shumë në vlera. Ukrainasit janë të mahnitshëm”, ishin disa nga fjalët e tij, pasuar me duartrokitje. /tesheshi.com/
Otroligt starkt tal av @ZelenskyyUa till Europaparlamentet. Att tolken grät sa allt. #SlavaUkraini pic.twitter.com/53Mm22Y925
— Tomas Tobé (@tomastobe) March 1, 2022
