Presidenti ukrainas Volodymyr Zelensky ka akuzuar Rusinë se planifikon të falsifikojë një referendum për pavarësinë në rajonet jugore të pushtuara pjesërisht të Kherson dhe Zaporizhia.
Në një video-mesazh, Zelenski u bëri thirrje ukrainasve që jetojnë nën okupimin rus në ato rajone që të mos u japin forcave ruse asnjë të dhënë personale, siç janë numrat e pasaportave.
“U bëj thirrje banorëve të rajoneve jugore të Ukrainës, Kherson dhe Zaporizhia, të jenë shumë të kujdesshëm me informacionin që u japin pushtuesve. Nëse ju kërkojnë të plotësoni disa pyetësorë, hiqni numrin e pasaportave. Ata nuk po e bëjnë këtë për t’ju ndihmuar,” tha Zelensky.
“Ata duan të falsifikojnë të ashtuquajturin referendum për vendin tuaj nëse vjen një urdhër nga Moska për të mbajtur një shfaqje të tillë. Ky është realiteti. Kini kujdes,” vuri në dukje Zelensky.
Presidenti i Ukrainës lëshoi një paralajmërim dhe të ashtuquajturat Republika Popullore e Khersonit, siç i quajnë forcat ruse territoret e pushtuara të rajonit, tha se planet e saj nuk do të kalojnë.
“Nëse dikush dëshiron një aneksim të ri, ai mund të çojë në sanksione të reja, të forta ndaj Rusisë. Ju do ta keni vendin tuaj të varfër sa Rusia që nga lufta civile e 1917. Është më mirë të kërkoni paqen tani,” tha Zelensky, referuar asaj kohe kur në Rusi njerëzit vdisnin në masë nga uria. /tesheshi.com/
