Presidenti ukrainas Volodymyr Zelensky i bëri thirrje Presidentit Putin që të ulet në tryezën e bisedimeve për të ndaluar vdekjet.
“Dua t’i drejtohem edhe një herë Presidentit të Federatës Ruse. Luftimet po zhvillohen në të gjithë Ukrainën. Le të ulemi në tryezën e bisedimeve për të ndaluar vdekjet,” tha Zelensky.
Më herët këtë mëngjes, Zelensky iu drejtua edhe një herë Perëndimit dhe kërkoi ndihmë.
“Këtë mëngjes ne po mbrojmë vendin tonë të vetëm. Ashtu si dje, vendet më të fuqishme në botë po e shikojnë nga larg,” tha Zelensky në një fjalim drejtuar kombit.
Zelensky tha se Rusia vazhdoi me sulmet me raketa, në orën katër të mëngjesit, por gjithashtu se trupat ruse u ndaluan në avancimin në shumicën e drejtimeve.
Në një fjalim televiziv, Zelensky tha se sulmet ruse kishin për qëllim objektivat ushtarake dhe civile. Në orën katër të mëngjesit, sirenat u dëgjuan në Kiev dhe në qytetin e Lviv. /tesheshi.com/
