Volodymyr Zelensky, presidenti ukrainas, iu drejtua Kongresit Amerikan me një fjalim që morri shumë duartrokitje.
Ai foli fillimisht në gjuhën ukrainase dhe publikoi pamjet që tregonin shkatërrimin rus të vendit të tij. Pastaj vijoi në anglisht.
“Rusia jo vetëm na ka sulmuar neve, vendin tonë, qytetet tona, ka pushtuar brutalisht vlerat tona, vlerat tona themelore njerëzore. Na kanë sulmuar me tanke për lirinë tonë, kanë kundërshtuar të drejtën tonë për të jetuar dhe ndjerë të lirë në vendin tonë, duke zgjedhur cila është e ardhmja jonë”, tha Zelenski.
Ai përmendi malin Rushmore, sulmet në Pearl Harbor dhe sulmet terroriste të 11 shtatorit 2001 në fjalimin e tij.
Ai u bëri thirrje Shteteve të Bashkuara të bëjnë më shumë gjatë “periudhës më të errët” për Ukrainën dhe tha se sanksionet janë të nevojshme për të gjithë politikanët rusë që “qëndrojnë në zyrat e tyre dhe nuk i ndërpresin lidhjet me ata që janë kundër Ukrainës”.
“Të gjitha kompanitë amerikane duhet të largohen nga Rusia, të largohen menjëherë nga tregu i tyre, sepse ai është i përmbytur me gjakun tonë. Zonja dhe zotërinj, anëtarë të Kongresit, merrni drejtimin nëse keni kompani në rrethet tuaja që financojnë makinën ushtarake ruse. Unë dua që ju të siguroheni që rusët të mos marrin asnjë qindarkë që përdorin për të shkatërruar njerëzit në Ukrainë”, tha Zelensky.
Ai gjithashtu vuri në dukje se duhet të ketë “institucione të reja, aleanca të reja” për të ndaluar luftën.
Ai i tha presidentit amerikan Joe Biden:
“Ju jeni udhëheqësi i kombit. Unë do të doja që ju të jeni udhëheqësi i botës. Të jesh udhëheqës i botës do të thotë të jesh udhëheqës i paqes.” /tesheshi.com/
Zelensky addresses Biden directly: “You are the leader of your nation. I wish for you to be the leader of the world. Being the leader of the world means being the leader of peace." pic.twitter.com/mkYYuEQXZ6
— Peter Stevenson (@PeterStevenson) March 16, 2022
