Presidenti ukrainas Volodymyr Zelensky tha sot se vetëm negociatat do t’i japin fund luftës në vendin e tij.
Dhe nëse ato negociata dështojnë, do të thotë “Lufta e Tretë Botërore”.
Fareed Zakaria i CNN e pyeti Zelensky-n nëse ai ishte gati të negocionte me liderin rus Vladimir Putin pas sulmeve ndaj civilëve në Mariupol dhe gjetkë.
“Jam gati për negociata, për këtë kam qenë gati dy vitet e fundit. Pa negociata, ne nuk mund ta përfundojmë këtë luftë”, u përgjigj Zelensky.
Ai komentoi gjithashtu se “njerëzit që mendojnë se ky dialog është i cekët dhe se nuk zgjidh asgjë, thjesht nuk e kuptojnë se sa vlen”.
“Nëse ka vetëm një për qind shanse për ta ndalur këtë luftë, ne duhet ta shfrytëzojmë atë mundësi, duhet ta bëjmë atë”, tha ai, më pas shtoi:
“Nuk mund t’ju them se si do të përfundojnë këto negociata … ne po humbasim njerëz çdo ditë, njerëz të pafajshëm në terren. Ushtria ruse ka ardhur për të na shfarosur, për të na vrarë. Dhe ne kemi treguar dinjitetin e popullit tonë dhe ushtrisë sonë, ne jemi në gjendje të japim një goditje të fortë, ne jemi në gjendje të luftojmë”.
Por siç tha ai, për fat të keq, “dinjiteti ynë nuk do të shpëtojë jetën e tyre.”
“Ne duhet të përdorim çdo format, çdo shans, për të qenë në gjendje të negociojmë me Putinin. Por nëse këto përpjekje dështon, do të thotë se kjo është Lufta e Tretë Botërore…”. /tesheshi.com/
