Presidenti ukrainas Volodymyr Zelensky nënshkroi sot një dekret duke refuzuar çdo negociatë me liderin rus Vladimir Putin.
Lëvizja e fundit e Kievit erdhi pasi parlamenti rus ratifikoi marrëveshjet për aneksimin e rajoneve të Ukrainës Donetsk, Kherson, Lugansk dhe Zaporozhye.
Të premten, Putin nënshkroi marrëveshje me autoritetet separatiste të rajoneve separatiste të Ukrainës për t’u bashkuar me Rusinë, pas referendumeve të mbajtura nga 23 deri më 27 shtator.
Referendumet u organizuan më shumë se shtatë muaj pas fillimit të luftës së Rusisë kundër Ukrainës, e cila filloi më 24 shkurt.
Mbajtja e referendumit u dënua nga bashkësia ndërkombëtare, ndërsa vendet evropiane dhe SHBA-ja e quajtën të rremë, duke theksuar se nuk do të njihet.
Kujtojmë se pasi shpalli aneksimin e katër rajoneve, Putini u tregua i hapur për negociata.
Por ukrainasit nuk u zbrapsën dhe pas 24 orësh rifituan Limanin, një qytet të rajoneve të shndërruara në Rusi. /tesheshi.com/
