Të dielën, presidenti ukrainas Volodymyr Zelensky u tha rusëve se trupat e ushtarëve të tyre ishin shtrirë në fushat e betejës në Ukrainë dhe se askush nuk po i merrte ato.
“Në pikat e nxehta të luftimeve veçanërisht të vështira, linjat e para të mbrojtjes sonë janë përmbytur me kufomat e ushtarëve rusë”, tha ai, duke përsëritur se 14,000 rusë u vranë në pushtimin e vendit të tij në një video-mesazh të publikuar të dielën në orën 14:00.
“Dhe ato trupa, ato trupa, askush nuk i merr.”
Ai tha se mund ta kuptonte që Rusia ka rezerva pothuajse të pafundme ushtarësh dhe pajisje ushtarake: “Por unë do të doja të pyesja qytetarët e Rusisë: ç’ndodhi me ju që nuk po vii re humbjet tuaja? Këta janë 14,000 nëna, 14,000 baballarë, gratë, fëmijët, të afërmit, një mik – dhe nuk e vini re?
Pretendimet e Ukrainës për numrin e ushtarëve rusë të vrarë nuk mund të verifikohen në mënyrë të pavarur, as nuk mund të numërohen humbjet ushtarake të Ukrainës, të cilat liderët e vendit vlerësuan në rreth 1300 ushtarë rreth një javë më parë.
Moska deri më tani ka konfirmuar vetëm rreth 500 viktima në mesin e forcave të saj.
Presidenti ukrainas njoftoi gjithashtu kufizime në aktivitetet e 11 partive politike në vend, përfshirë ato të akuzuara për lidhje me shtetin rus.
Zelensky shtoi se rrethimi rus i qytetit port të Mariupolit ishte “një terror që do të mbahet mend dhe në shekujt e ardhshëm”.
Në fjalimin e tij të natës vonë, ai tha se rrethimi i Mariupolit “do të hynte në historinë e përgjegjësisë për krimet e luftës”.
“Të bësh atë në një qytet paqësor … është një tmerr që do të mbahet mend për shekujt në vijim.”
Megjithatë, tha ai, bisedimet e paqes me Rusinë janë të nevojshme, megjithëse “ato nuk janë të lehta dhe të këndshme”. /tesheshi.com/
