Presidenti ukrainas Volodymyr Zelensky ka njoftuar se agjencitë ukrainase të zbatimit të ligjit kanë kapur oligarkun Viktor Medvedchuk, aleatin më të ngushtë të Putinit në Ukrainë.
Në profilin e tij zyrtar në Facebook, Zelensky ka postuar një foto të Medvedchuk në pranga.
“SBU-ja jonë kreu një operacion special. Më shumë detaje më vonë. Lavdi Ukrainës!”, shkroi Zelensky.
Medvedchuk është udhëheqësi i Platformës Opozitare për Jetën, partia më e madhe opozitare në Ukrainë. Në mars, kjo parti ishte një nga disa të pezulluara nga Zelensky për lidhjet me Rusinë.
Autoritetet ukrainase e vendosën Medvedchuk në arrest shtëpiak, por ai u arratis tre ditë pasi Rusia sulmoi Ukrainën më 24 shkurt. Deri në njoftimin e sotëm nuk dihej se ku ndodhej. /tesheshi.com/
