“Do të vriteni një nga një” për sa kohë që Vladimir Putin, i cili urdhëroi pushtimin e Ukrainës, është në pushtet, paralajmëroi presidenti ukrainas Volodymyr Zelensky, duke iu drejtuar veçanërisht rusëve dhe zyrtarëve të qeverisë.
“Derisa të zgjidhni të gjithë problemin e atij që e nisi të gjithën, që nisi këtë luftë të pakuptimtë kundër Ukrainës, do të vriteni një nga një, do të bëheni kokë turku derisa ta pranoni që kjo luftë është një gabim historik për Rusinë”, tha ai.
Zelensky siguroi gjithashtu se ushtria ukrainase, e cila tani kontrollon qytetin e rëndësishëm strategjik të Limanit, do të rimarrë “javën e ardhshme” qytete të tjera në rajonin e Donetskut, të cilat Moska i aneksoi dje.
“Gjatë javës, flamuj të rinj ukrainas u valëvitën në Donbas”, që përfshin provincën Donetsk, tha presidenti ukrainas. “Do të ketë më shumë javën e ardhshme.” /tesheshi.com/
