Presidenti ukrainas Volodymyr Zelensky tha se zhvilloi sot një bisedë telefonike me Papa Françeskun, duke u fokusuar rreth agresionit rus dhe krimeve kundër popullit ukrainas.
“Kam folur me Papa Françeskun. E informova për agresionin e Federatës Ruse kundër Ukrainës, krimet e saj të tmerrshme. I jam mirënjohës Papës për lutjet e tij për Ukrainën. Populli ynë ka nevojë për mbështetjen e liderëve shpirtërorë botërorë, të cilët duhet t’i përcjellin botës të vërtetën për mizoritë e kryera nga agresori në Ukrainë”, shkroi Zelensky në Tëitter.
Kujtohet se, më 6 gusht, Papa Françesku u takua me ambasadorin e Ukrainës në Vatikan. Në veçanti, ata diskutuan vizitën e mundshme të Papës në Ukrainë përpara udhëtimit të tij të planifikuar në Kazakistan në shtator 2022. /tesheshi.com/
