Sipas shtypit italian, Presidenti Zelensky, gjatë një bisede të tij telefonike me Papa Franceskun, theksoi se sa i rëndësishëm do të ishte një rol ndërmjetësues i Selisë së Shenjtë për t’i dhënë fund kësaj sprove të tmerrshme njerëzore.
Gazeta italiane Corriere della Sera, duke iu referuar bisedës telefonike mes presidentit
ukrainas Volodymyr Zelensky dhe Papa Françeskut, shkruan se qeveria ukrainase ka kërkuar ndërmjetësimin e Papës për t’i dhënë fund luftës.
Që nga fillimi i pushtimit rus e deri më sot, Papa Françesku dhe presidenti ukrainas kanë biseduar tre herë. “Papa theksoi se Selia e Shenjtë po lutet dhe po bën gjithçka që është e mundur për të ndaluar luftën”, tha ambasadori i Ukrainës në Vatikan.
Mediat italiane raportuan se Françesku kishte zgjedhur “t’i kushtonte Rusinë dhe Ukrainën zemrës më të pastër të Virgjëreshës”, me një lutje të veçantë që do të bëhej të premten. /tesheshi.com/
