Presidenti ukrainas Zelensky hodhin kartën e referendumit për çdo marrëveshje me Rusinë që do ndalonte luftën, njëherësh duke mos pranuar ultimatumet që i vijnë nga Moska.
Në një intervistë për EBU, presidenti ukrainas theksoi se i takon popullit ukrainas të vendosë për çdo kompromis, përfshirë pranimin e Ukrainës në NATO.
Zelensky përsëriti se Ukraina nuk do t’i nënshtrohej kurrë një ultimatumi nga Rusia.
“Gjithçka do të varet nga bisedimet Ukrainë-Rusi. Në qytetet e pushtuara, rusët vendosin flamurin e tyre, por populli e heq atë. Një burrë u vra për të. Unë mund t’ju siguroj se vetëm kur të pushojmë së ekzistuari do t’i nënshtrohemi një ultimatumi,” tha ai.
“Ne nuk i pranojmë ultimatumet, nuk e japim Kievin, Kharkivin apo Mariupolin. Ukraina nuk do t’i nënshtrohet kurrë ultimatumeve nga Rusia dhe qytete të tilla si Kievi, Mariupoli apo Kharkivi nuk do të pranojnë pushtimin rus”. Këtë e tha më herët Zelensky në një intervistë me transmetuesin shtetëror ukrainas Suspilne.
“Na kanë lënë një ultimatum me pika të ndryshme. Thonë: ‘Zbatojeni atë dhe pastaj do t’i japim fund luftës’”, na tha presidenti ukrainas, duke shtuar: “Por Ukraina nuk mund të pranojë ultimatumin e Rusisë”.
“Rusia e konsideron të nevojshme të na shkatërrojë të gjithëve, dhe vetëm atëherë ultimatumi i saj do të përmbushet. Për shembull, ata thonë ‘na jep Kharkovin, Mariupolin ose Kievin’. As Kharkovi, as Mariupol, as Kievi dhe as unë, presidenti, nuk mund ta pranojmë këtë. Vetë njerëzit mbrojnë shtetin tonë”, shtoi Zelensky.
“Dhe ne e shohim atë në qytetet e pushtuara, në Melitopolis, Berdyansk (…) njerëzit po rezistojnë. “(Rusët) po ngrenë një flamur, njerëzit po e heqin”, theksoi Zelensky. /tesheshi.com/
