Ukraina është gati të nisë kundër-ofensivën e saj të shumëpritur për të rimarrë zonat që ushtria ruse ka vendosur nën kontrollin e saj, tha presidenti ukrainas Volodymyr Zelensky në një intervistë të publikuar sot.
“Ne besojmë absolutisht se do të kemi sukses”, tha Zelensky për Wall Street Journal.
“Nuk e di sa kohë do të zgjasë. Për të qenë i sinqertë, mund të zhvillohet në mënyra të ndryshme. Por ne do ta bëjmë dhe jemi gati”, shtoi ai.
Kievi shpreson se kundërsulmi do të ndryshojë dinamikën e luftës që shpërtheu në shkurt 2022.
Muajin e kaluar, Zelensky tregoi se Ukraina duhet të presë për dërgimin e më shumë tankeve perëndimore përpara se të nisë kundërofensivë. Ai ka zhvilluar prej kohësh një fushatë diplomatike për të kërkuar më shumë ndihmë ushtarake dhe armë perëndimore, çelësi i suksesit të planeve të Kievit.
Planet nuk kanë ndryshuar, pavarësisht valës së sulmeve nga Rusia
Planet e Ukrainës për të kundërpërgjigjur nuk kanë ndryshuar, megjithë një valë “të paprecedentë” sulmesh me raketa dhe dron të nisur nga Rusia në javët e fundit, tha zëvendësministri ukrainas i Mbrojtjes, Volodymyr Khavrilov.
Nga Singapori, ku po merr pjesë në konferencën më të rëndësishme të sigurisë në Azi, të njohur si Dialogu Shangri-La, Khavrilov vuri në dukje se Rusia gjuajti në maj në Ukrainë, përveç raketave të lundrimit dhe raketave balistike, kryesisht në qendrat urbane, përfshirë Kievin.
“Objektivi i tyre kryesor është të ndalojnë kundërsulmin dhe të synojnë qendrat vendimmarrëse,” shpjegoi ai.
Khavrilov e quajti përdorimin e raketave balistike nga Rusia “strehën e saj të fundit strategjike” dhe vuri në dukje se sistemet kundërajrore të Ukrainës “ishin më shumë se 90 për qind efektive” kundër sulmeve. /tesheshi.com/
