Princi William i Britanisë së Madhe ka vizituar dy xhamitë në Zeladën e Re, ku një person i armatosur privoi nga jeta 50 vetë.
Princi tha se agresori supremacist kishte dështuar në misionin e tij për të përhapur urrejtjen.
Duka i Kembrixhit mbajti fjalim para 160 personave në xhaminë Al Noor në Christchurch, ku kishte të mbijetuar të tragjedisë, udhëheqës fetar, por edhe kryeministrja e vendit Jacinda Ardern.
“Një tragjedi ndodhi në këtë dhomë, një terrorist u përpoq të mbillte ndarje dhe urrejtje në një vend që përfaqëson bashkësinë dhe vetëmohimin,” tha princi. “Ai mendonte se mund të ndryshonre atë që ishte ky vend. Unë jam këtu për t’ju ndihmuar t’i tregoni botës se ai dështoi”.
William nuk ia përmendi emrin terroristit të armatosur, një praktikë që Ardern dhe të tjerët e kanë ndjekur në një përpjekje për t’ia mohuar atij famën.
William gjithashtu vizitoi xhaminë Linëood dhe u takua me disa prej atyre që po trajtonin plagët në Spitalin e Christchurch.
Duke kujtuar vdekjen e së ëmës, Princeshës Diana, Princi William tha se e kupton mjaft mirë se çfarë ndjenjash kanë qarkulluar në shpirtin e familjarëve. /tesheshi.com/
