Në Zelandën e Re, komuniteti lokal dhe kompanitë minerare ndodhen në një “luftë” të vërtetë në lidhje me një damar të pasur ari që është zbuluar në tokën e mbrojtur të një rezervati në Ishullin Verior.
Javën e kaluar, kompania minerare e arit “New Talisman” raportoi se kishte gjetur një damar të gjerë ari në grykën e Karangahake në ishullin verior, 8,500kg ar të cilësisë më të lartë që e vendos burimin në pesë perqindëshin e depozitave botërore të arit, listuar mbi bazën e cilësisë.
Zbulimi besohet se vlen me dhjetëra milionë dollarë.
Kompania thotë se planifikon të nxjerrë sasi të vogla të arit çdo vit, mirëpo banorët lokalë që kundërshtojnë skemën kanë nisur të veprojnë, duke thënë se projekti minerar kërcënon “paqen dhe harmoninë” e malit të tyre të “shenjtë” dhe vetë komunitetin.
Vendndodhja e damarit është një destinacion popullor për banorët vendas dhe turistët ndërsa kompania duhet të përdorë shtegun e ngushtë që të çon atje, së bashku me fluksin e njerëzve. Për këtë shteg duket se do të ketë një betejë të gjatë. /tesheshi.com/
