Qeveria e Zelandës së Re ka shpallur një ligj që do të detyrojë kompanitë e mëdha të teknologjisë si Google dhe Meta të paguajnë për përmbajtjen e publikuar në media.
Ligji do të modelohet sipas ligjeve të ngjashme në Australi dhe Kanada, tha ministri i Medias, Willie Jackson, duke shpresuar se do të inkurajonte platformat dixhitale të bien dakord të ndajnë të ardhurat nga reklamat me median.
“Mediat e Zelandës së Re, veçanërisht gazetat e vogla rajonale dhe mediat e komunitetit, po e kanë të vështirë të ruajnë qëndrueshmërinë financiare përballë lëvizjes së reklamave në internet”, paralajmëroi ministri.
“Çelësi është që ata që përfitojnë nga përmbajtja e tyre informative të paguajnë për të,” tha Jackson.
Shumica e laburistëve në Parlament pritet të miratojë legjislacionin e propozuar.
Në vitin 2021, Australia prezantoi legjislacionin që i dha qeverisë fuqinë për të detyruar kompanitë e internetit të negociojnë me mediat për të paguar për përmbajtjen e lajmeve.
Një auditim i publikuar javën e kaluar nga qeveria australiane zbuloi se ajo kishte arritur kryesisht qëllimin e dëshiruar. /tesheshi.com/
