Vlerësohet se gjithsej 47 njerëz u bllokuan në Ishullin e Bardhë, të pabanuar, në kohën e shpërthimit të vullkanit një ditë më parë.
Kryeministri australian Scott Morrison tha se 11 të tjerë u raportuan të zhdukur, ndërsa 13 u shtruan në spital.
Nga pesë viktimat e shpërthimit të vullkanit, tre besohet se janë shtetas australianë, tha ai, raportoi AP.
“Kam frikë se lajmet do të jenë më keq gjatë ditës ose ditëve përpara. Kjo është një tragjedi e tmerrshme,” tha Morrison.
Një grup turistësh u gjetën në Ishullin e Bardhë të Zelandës së Re, kur shpërtheu vullkani.
Kryeministrja e Zelandës së Re, Jacinda Ardern ka thënë se turistët duhet të lejohen të vizitojnë Ishullin e Bardhë, megjithëse sizmologët paralajmëruan për rrezikun e një shpërthimi të vullkanit muajin e kaluar.
Gjithsej 47 njerëz u vlerësua të kenë qenë në këtë ishull të pabanuar të hënën në kohën e shpërthimit të vullkanit.
“Tani është e qartë se kishte dy grupe në ishull – ato që mund të evakuoheshin dhe ato afër shpërthimit,” tha Ardern, raportoi Reuters.
Për ata që kanë humbur të dashurit ose ata që familjarët e të cilëve ende raportohen të zhdukur, Ardern tha që ajo ndau pikëllimin e saj.
“Shkalla e kësaj tragjedie është katastrofike,” tha Ardern.
Agjencitë raportojnë se turistët nga Australia, SHBA, Mbretëria e Bashkuar, Kina, Malajzia dhe Zelanda e Re janë ndër viktimat. /tesheshi.com/
