Zeqirija Ibrahimi, një prej krerëve të Lëvizjes BESA në Maqedoni, ka tentuar që sërish të sqarojë oponionin në lidhje me refuzimin që iu bë Ali Ahmetit në tryezën e thirrur prej këtij të fundit duke iu përcjellë ftesë të gjitha partive shqiptare në Maqedoni.
“Së pari herë, nuk kemi marrë asnjë ftesë për një takim të tillë. E dyta edhe po të marrim ftesë nga kryetari i BDI-së, ne nuk marrim pjesë për shkak se nuk ka legjitimitet politik as kredibilitet moral të ftoj në takim liderët e partive shqiptare në Maqedoni. Ne nuk kemi asnjë negociatë me partitë shqiptare në Maqedoni për të hartuar një marrëveshje të përbashkët”, ka deklaruar Ibrahimi, tashmë dhe deputet në parlamentin maqedonas, i cili më pas ka potencuar Tiranën zyrtare si vendimtare për të negociuar.
“Ajo që është e vërtetë është se ne jemi në kontakt me shtetin shqiptar, me Ministrin e Jashtme të Shqipërisë që të mund të dakordohen pikat themelore të interesit shqiptar në Maqedoni por pse jo edhe të vet shtetit të Maqedonisë”, theksoi Ibrahimi.
Ditë më parë, Rama thirri në një takim në Tiranë të gjithë krerët kryesorë të politikës shqiptare në Maqedoni, duke iu kërkuar që të unifikohen në qëndrime për të dalë me një platformë të përbashkët. /tesheshi.com/
