Zeqiria Ibrahimi nga Lëvizja BESA, ka denoncuar atë që e ka konsideruar një gafë kulturore ardhur nga kampi i BDI-së, në lidhje me Mesharin e Gjon Buzukut.
“Edhe kjo na bëri vaki: sipas një zv.ministri të BDI-së, “Mesharin e Gjon Buzukut e ka shkruar Marin Barleti”.
E nëse “Mesharin” e Gjon Buzukut e ka shkruar Marin Barleti, atëherë çfarë paska shkruar Gjon Buzuku?
Mos ai e ka shkruar “Historinë e Skënderbeut”?
A të qeshësh apo të qash?!
Mjerë kush i përfaqëson shqiptarët!”, shkruan Ibrahimi në facebook.
Fjala është për Bekim Maksutin, zv.minstrin e Mbrojtjes në qeverinë e Zaevit, ardhur nga radhët e partisë së Ali Ahmetit.
Tashmë ajo është bërë hit, jo thjesht si gafë por si tregues paditurie dhe kulture të cungët nga atë që iu është besuar pushtet në Maqedoni. /tesheshi.com/
