Zëdhënësja e mazhorancës Elisa Spiropali tha se nuk është qeveria ajo që ka sajuar historinë e dy vilave të blera së fundi nga kreu i opozitës Basha, siç ky i fundit ka pretenduar.
Lulzim Basha u ankua se historia e dy vilave të tij na qenka sajuar nga qeveria…Askush nga qeveria, por as nga Partia Socialiste s’ka thënë akoma asgjë për dy vilat e Lulzim Bashës, ndërkohë që Lulzim Basha akuzon qeverinë se e ka sajuar këtë histori”, shkruan Spiropali.
Ditët e fundit, disa media zbuluan faktin se Basha është zhvendosur me banim nga kati i fundit i një pallati te stadiumi, te një zonë rezidenciale e kryeqytetit, duke marrë dy vila së bashku me familjarë të bashkëshortes së tij. Basha u mbrojt duke thënë se u detyrua të zhvendoset për shkak të dëmtimeve nga tërmeti në banesën ku jetonte. Një raport kontrolli thotë se aty ku banonte Basha nuk ka asnjë dëmtim nga tërmeti, e paralel me këtë, mediat që zbuluan zhvendosjen, thonë se edhe nëse vilat e janë blerë e po ashtu edhe nëse janë marrë me qera(siç Basha e ka pohuar), ato janë shumë të shtrenjta për t’u mbajtur.
Për znj. Spiropali, nëse kjo do ndodhte me Ramën, reagimet do qenë shumë më të ashpra.
“Parafytyrojeni vetë tani se çfarë cikloni balte do të kishte rënë mbi Shqipëri dhe çfarë do kishin nxjerrë nga grykat tërë murtajat e opozitës, duke nisur nga gryka e Lulzim Bashës”, thotë zëdhënësja socialiste, duke kërkuar që organet të zbardhin të vërtetën e kësaj çështjeje.
“Në të vërtetë, qeveria s’ka kohë të merret me Lulzim Bashën, por Inspektoriati i Lartë i Deklarimit të Pasurive sot, si dhe SPAK-u nesër duhet të merren me këtë histori tipike për njeriu që është bërë simbol i asaj shprehjes ‘bëni si them unë, mos bëni si bëj unë”, thekson Spiropali. /tesheshi.com/
