Zëdhënësi i LSDM-së, Petre Shilegov në një konferencë të jashtëzakonshme ka njoftuar se bisedimet në mes partive politike janë ndërprerë nga ana e VMRO-DPMNE-së. Sipas tij kështu ndodhë çdoherë kur në tryezën e bisedimeve shtrohet çështja e listës zgjedhore dhe rregullimi i çështjes së mediave.
“Është e qartë se VMRO-DPMNE ik nga zgjedhje të drejta dhe demokratike. VMRO-DPMNE dëshiron të ketë zgjedhje si ju konvenojnë atyre, ashtu siç kanë qenë deri tani, zgjedhje të vjedhura dhe kriminele. LSDM nuk do ta lejojë këtë. Ne e dhamë fjalë tonë. Nikolla Gruevski politikisht i takon të kaluarës. Maqedonia do të ketë zgjedhje të lira dhe demokratike”, ka deklaruar Shilegov.
Me këtë nënkuptohet se situata politike në Maqedoni vijon të thellohet, ngaqë shpresat ishin se nga bisedimet në nivel të ulët të përfaqësuesve partiak do të kalojnë në nivel liderësh, mirëpo asgjë edhe nga kjo. /tesheshi.com/
